reklam
» » Bu dəfə də “Qamma” gəlir... - "FİLİN DİŞİSİ"...

reklam

Bu dəfə də “Qamma” gəlir... - "FİLİN DİŞİSİ"...



Rusiyada koronavirus infeksiyasının “Delta” kimi daha yoluxucu olan “Qamma” variantı yayılıb.

Bu barədə “Vekor” elmi mərkəzindən məlumat verilib. “Rusiya Federasiyası ərazisində “Delta” variantı geniş yayılıb və “Qamma” variantı da aşkarlanıb”, - deyə mərkəzdən bildirilib. Qeyd olunur ki, “Qamma” və “Delta” daha çox yoluxucu olduğundan və anticisimlərin təsirini azalda bildiyindən “narahatlıq doğuran” kateqoriyasına aid edilib.

Maraqlıdır, Rusiyada yayılan "Qamma" variantının Azərbaycanda yayılma ehtimalı nə qədərdir?

Mövzu ilə bağlı Cebhe.info-ya danışan Azərbaycan Tibb Universitetinin dosenti, həkim-farmakoloq Aydın Əliyev bildirib ki, qonşu ölkələrdə yayılan virusların bizdə də görülməsi mümkündür:

“Rusiyadan Azərbaycana virusların gəlmə ehtimalı başqa ölkələrə nisbətən çoxdur. Məlumdur ki, bu da Rusiya ilə əlaqələrimizə görədir. Viruslar da həyatda mübarizə aparırlar. Yəni hər hansı virusa qarşı hansısa bir tədbir görülürsə, bu zaman o virus özünün növbəti variantını yaradır. Bu variantlara da ştammlar deyirlər. Bu ştammların da belə yaranmasına səbəb dünyadakı ekoloji mühitin xarab olmasıdır. Hətta dünyanın aparıcı ölkələri ekologiya ilə bağlı tədbirlər görmək istəyirlər. Lakin bacarmayacaqlar, çünki dünyanı o qədər zəhərləyiblər ki, insanla təbiətin əlaqəsi qırılıb”.

Ekspert bildirib k, insanın təbiət, su, dağ, daşla təması olanda daha sağlam olur:

“Biz bu əlaqələri itirmişik. Təbiətdən uzaqlaşdıqca, müxtəlif viruslar, parazitlər, bildiyimiz və bilmədiyimiz müxtəlif canlı mühitlər formalaşır. Hazırda dünyanın vəziyyəti budur, ekologiya natəmizdir. Bakının özündə tozdan dayanmaq olmur. Hökümət özü yazır ki, Bakıda tozun səviyyəsi 4 dəfə çoxalıb. Yəni xəstəliklərə səbəb mühitdir. Pataloji mühit deyirlər, yəni xəstəlik törədə bilən mühit. Dünyanın bu ekoloji problemləri həll olunmadıqca, cürbəcür viruslar çıxacaq.

Hətta bəzən də deyəcəklər ki, bu viruslar süni yaranır. Mən süni yaranma hallarını da nəzərdən qaçırmıram, lakin daha çox mühitin pataloji olması xəstəlikləri yayır. İmmunitet qazanmağın da 2 yolu var: təbii variantla alınan immunitet və süni immunitet. Təbii immunitet odur ki, biz xəstəliyi keçiririk və bədənimiz ona uyğunlaşır. Süni immunitet isə peyvəndlərdir. Hazırda süni immunitet alma məcburuq”.



Paylaş:


Müəllif : Tarix:
26-07-2021, 12:31
  


loading...
Загрузка...