reklam
» » Çin kəşfiyyatçısını güllələyən azərbaycanlı saxlanıldı - VİDEO

reklam

Çin kəşfiyyatçısını güllələyən azərbaycanlı saxlanıldı - VİDEO

Ailəsi girov götürülərək zorla Çin kəşfiyyatında işləməyə məcbur edildiyi iddia olunan Uyğur türkü Yusuf Amatı silahlı hücum nəticəsində ağır yaralayan azərbaycanlı saxlanılıb.

“MediaPost” xəbər verir ki, bu il noyabrın 2-də İstanbulda yaşadığı evin qarşısında Yusif boyun və qol nahiyəsindən ağır yaralanıb. Türkiyə Asayiş Şöbəsinin Cinayət Bürosunun qrupları tərəfindən aparılan əməliyyat zamanı Yusuf Amatı ağır yaralayan iki nəfər saxlanılıb.

Saxlanılanlardan biri Azərbaycan vətəndaşı 29 yaşlı Əliyev T.-dır. Şübhəli Əliyev T-nin polisə verdiyi ifadəsində, Yusufla aralarında borc problemi olduğunu və hadisəni bu səbəbdən həyata keçirdiyini bəyan edib.

Bakırköy Dr. Sadi Konuk Təhsil və Araşdırma Xəstəxanasına yerləşdirilən Yusifin hazırda sağlamlıq vəziyyəti ağır olduğu bildirilir.

Qeyd edək ki, Çin kəşfiyyatı Amatı girov götürmək üçün evlənməyə məcbur edib. 2012-ci ildə həyat yoldaşı hamilə qaldıqdan sonra Pakistan və Əfqanıstana göndərilən Amat, 4 il burada yaşayaraq Şərqi Türküstan xalqı haqqında məlumatları toplayıb Çin kəşfiyyatına göndərib. Bu müddət ərzində həyat yoldaşı, övladı və ailəsi Çin hüquq mühafizə orqanları tərəfindən girov saxlanılıb. Amat 2016-cı ildə casusluq etmək üçün Türkiyəyə göndərilməsini istəyib. Onun istəyi nəzərə alındıqdan sonra Amat İstanbula gəldikdən sonra bütün başına gələnləri Türkiyə kəşfiyyatına danışıb və burada qalmaq üçün sığınacaq istəyib.

Çin kəşfiyyatı tərəfindən daim təhdid olunan Amat bəzi xarici KİV-lərə açıqlamalar verib. Amat Facebook-da beynəlxalq bir mətbuat yayımçısına açıqlama verərək Çin kəşfiyyatı üçün çalışan 8-10 Uyğur türkünün də adını çəkib. Bu açıqlamadan 3 gün sonra Amat silahlı hücum nəticəsində ağır yaralanıb.



Paylaş:


Müəllif : Tarix:
27-11-2020, 10:55
  


loading...
Загрузка...