reklam
» » “Dinc sakinlərin başına bomba yağdırmaq ancaq erməni xislətidir” - Lyudmila Oqorodina

reklam

“Dinc sakinlərin başına bomba yağdırmaq ancaq erməni xislətidir” - Lyudmila Oqorodina


Allah ermənilərə lənət eləsin. Vəhşilər, faşistlər. Sizin dinc insanlarla nə işiniz var? Kəndi niyə bomblayrsınız?

Bunu Lent.az -ın müxbiriylə söhbətində erməni silahlı qüvvələrinin ağır artilleriyadan atdığı mərmi nəticəsində Tərtərin Yenikənd kəndində evi dağılan Lyudmila Oqorodina deyir. Evi dağılan şəxsin soyadı bəlkə də sizə qəribə gələcək. Amma elə fikirləşməyin. Soydaşmızdır. Atası Vasili Nikolayeviç Oqorodin 1970-ci ildə təyinatla Tərtərə göndərilib. Bütün sovet adamları kimi o da bir neçə ilini başa vurub qayıtmalıymış.

Amma Tərtəri, Qarabağı, buranın insanları o qədər sevirlər ki, ömürlük burda qalmaq qərarı verirlər.

Lyuda deyir ki, hələ birinci Qarabağ müharibəsi dövründə atası Vasili istehkamçı kimi könüllü olaraq cəbhəyə yollanıb. Amma tibbi komissiyadan keçərkən məlum olub ki, ciddi xəstəliyi var.

Arxa cəbhədə, Tərtərin müdafiəsində iştirak edirdi. Günlərlə üzünü görmürdük. Bəzən gecələr iki-üç saatlığa gəlib, tez də çıxıb gedirdi. Mənim o vaxt 12-13 yaşım vardı. Qız uşaqları da bilirsiniz də atalarını sevən olur axı. Gecə gəlsə də, oyanıb qucağına atılırdım.

Vasili Nikolayeviç 2004-cü ildə dünyasını dəyişir. Elə Yenikənddə qəbiristanlıqda dəfn olunur. Dini mənsubiyyətinə görə heç bir ayrı-seçkilik eləmir yerli camaat. Çünki Vasili çoxdan bu yerlərin oğlu olmağa haqq etmişdi.

90-cı illərin ortalarında qardaşım dolanışıq ardınca Rusiyaya, Tomsk şəhərinə getdi. Anamla mən qaldıq. Dedik, vətəni, kəndimizi qoyub niyə gedək ki? Qardaşım bizə tez-tez pul göndərirdi. Özümüz də işləyirdik. Hamı necə, biz də elə. Həyat da davam edir.

Lyudmila deyir ki, sentyabrın 27-dən dincliyimiz yoxdur.

Dinc sakinlərin başına bomba yağdırmaq ancaq və ancaq erməni xislətidir. Faşist təfəkkürüdür. O mərmi bir neçə metr aralı düşsəydi, mən artıq sizinlə danışa bilmirdim. O mərmi baxmır hara düşür. Uşağın da, qadının da, qocanın da başına düşə bilərdi. Ermənilər elə bilirlər ki, kəndləri, dinc sakinləri bombalamaqla camaatı qorxudacaqlar. Biz ev-eşiyimizi tərk edəcəyik. Əsla, yanılırlar. Bura Vətənimdi. Dədə-babalarmız burda yaşayır, biz yaşayırıq, bizdən sonrakı nəsil də yaşayacaq.


Paylaş:


Müəllif : Tarix:
1-10-2020, 09:54
  


loading...
Загрузка...