reklam
» » Azərbaycanda iş adamları və vətəndaşlar necə aldadılıb? — FHN “əməkdaşı”nın şok əməlləri

reklam

Azərbaycanda iş adamları və vətəndaşlar necə aldadılıb? — FHN “əməkdaşı”nın şok əməlləri

Özünü Fövqəladə Hallar Nazirliyinin vəzifəli əməkdaşı kimi təqdim edərək dələduzluq etməkdə ittiham olunan Füzuli rayon sakini, 1976-cı il təvəllüdlü Teyyub Quliyevin cinayət işi üzrə məhkəmə prosesi başa çatıb.

Demokrat.az-ın əldə etdiyi məlumata görə, Teyyub Quliyev tamah niyyəti ilə ozgənin əmlakını etibardan sui-istifadə etmə və aldatma yolu ilə ələ kecirmək məqsədi ilə Atamoğlan İmranova özünü Fövqəladə Hallar Nazirliyinin əməkdaşı kimi təqdim edib. O, İmişli rayonu, Yalavac kəndi ərazisində yerləşən qeyri-yaşayış obyektinin sənədlərini hazırlayacağını vəd edib və onu inandırıb.

Bu məqsədlə Teyyub Quliyev Atamoğlan İmranovdan 2012-ci ilin aprel ayının axırlarında Bakı şəhəri, Nizami rayonu ərazisində 2000 manat, 3 iyul 2012-ci il tarixdə İmişli rayonu ərazisində yerləşən “Kapital bank” vasitəsi ilə göndərdiyi 1000 manat, 2013-cü ilin may ayında İmişli şəhərində 2000 manat, həmin tarixdən 2014-cü ilin axırınadək olan müddət ərzində 6500 manat və 2015-ci ilin fevral ayının axırlarında İmişli şəhəri ərazisində 1500 manatını ələ keçirib. O, Atamoğlan İmranovun umumilikdə 13.000 manat məbləğində ziyan vurub.

FHN-dən tikinti aparılması üçün icazə almaq neçəyədir?

Bundan başqa, Teyyub Quliyev ozunu FHN-nin əməkdaşı kimi təqdim edərək, Bəxtiyar İsgəndərova məxsus İmişli şəhəri, Z.Əliyeva kucəsində yerləşən ərazidə tikinti işlərinin aparılmasına FHN-dən icazə alınması məqsədi ilə 2012-ci ilin sentyabr ayında İmişli şəhəri, H.Əliyev prospekti Sabir parkında yerləşən cay evində əvvəlcə 1.000 manat, həmin tarixdən 2014-cu ilin may ayınadək olan muddət ərzində 4000 manat, 12 may 2014-cu il tarixdə isə Bakı şəhəri, Nəsimi rayonu, 5-ci mikrorayonda yerləşən çay evində Bəxtiyar İsgəndərovun qohumu Fərhad Sadıqovdan 4000 manat alıb.

Daha sonar Teyyub Quliyev Kərim Kərimova özünü FHN-nin əməkdaşı kimi təqdim edib, onun İmişli rayonu, H.Əliyev prospekti 111 saylı unvanda yerləşən obyektdə tikinti işlərinin aparılmasına FHN-nin rəhbərliyindən icazə alacağına vəd verib.

O, bununla bağlı Kərim Kərimovdan 2013-cu ilin yanvar ayında əvvəlcə İmişli şəhəri, H.Əliyev prospekti “Fidan” şadlıq sarayında yerləşən ofisdə 1000 manat, daha sonra isə həmin tarixdən 2014-cu ilin sonlarınadək olan muddət ərzində 4.750 manatını alaraq dələduzluq edib.

Tikinti aparılması niyə baş tutmadı?

Bundan başqa, Teyyub Quliyev Əliheydər Muradova Saatlı rayonu, Əlisoltanlı kəndində yerləşən 0,2412 ha olculu torpaq sahəsində avtomobillərin texniki xidmətinə dair emalatxananın tikintisinə dair zəruri olan lahiyə sənədlərini və həmin sənədlərin aidiyyatı dovlət qurumlarında təsdiq edilməsini, eləcə də həmin obyektin sığortalanmasını həll edəcəyini vəd edib.

O, 2013-cu ilin iyul ayının sonunda Saatlı rayonu, H.Zərdabi küçəsi 23 saylı ünvanda 7500 manat, 2013-cü ilin yay ayında Bakı şəhəri, Yasamal rayonu, Yeni Yasamal-2, 6 saylı yaşayış binasının həyətində 7500 manat, 2013-cü ilin noyabr ayından 2014-cü ilin dekabr ayınadək olan müddət ərzində sığorta haqqının ödənilməsi adı ilə Saatlı rayonu, H.Zərdabi küçəsi 23 saylı ünvanda 3000 manat, lahiyə sənədlərinin hazırlanması adı ilə Saatlı rayonu, H.Zərdabi küçəsi 23 saylı ünvanda 500 manat, digər sənədlərin hazırlanması adı ilə Saatlı rayonu, H.Zərdabi küçəsi 23 saylı ünvanda hissə-hissə 2750 manat, Bakı şəhəri, Qaradağ rayonu ərazisində 1500 manat, Bakı şəhəri, Qaradağ rayonu, “Socar” YDM-in yanında 3000 manat, Saatlı rayonu, H.Zərdabi küçəsi 23 saylı ünvanda 2250 manat, Yasamal rayonu, Yeni Yasamal-2, 6 saylı yaşayış binasının həyətində 4850 manat, Saatlı rayonu, H.Zərdabi küçəsi 23 saylı ünvanda 500 manat alıb. O, Əliheydər Muradova ümumilikdə 33.350 manat ziyan vurub.

Şirkət direktoruna nə qədər pul atılıb?

Bundan başqa, Teyyub Quliyev 2014-cu ilin yanvar ayından 2014-cu ilin iyun ayınadək olan muddət ərzində Bakı şəhəri, Nəsimi rayonu, Dilarə Əliyeva kucəsi 235 a unvanında yerləşən “Arxproyekt” MMC-nin ofisində həmin MMC-nin direktoru işləmiş Süleyman Cabbarovu aldadaraq Zahir Baxışovun Salyan rayonunda yerləşən “Bakı” restoranının konstruksiyasının və əlavə mərtəbələr artırılmasının işci lahiyəsi üçün ödədiyi 4500 manat pulu, Fəridə Həsənovanın Şirvan şəhərində qeyri-yaşayış obyektinin işci lahiyəsi üçün ödədiyi 3500 manat pulu, Elvin Cəbrayılova məxsus torpaq sahəsində tikiləcək iaşə obyektinin işci lahiyəsi üçün ödədiyi 3500 manat pulu, Rahil Ağayevin iaşə obyektinin işci lahiyəsinin hazırlanması üçün ödədiyi 4000 manat pulu, Vahid Fərəcovun Hacıqabul rayonu, Muğan qəsəbəsində ictimai iaşə və ticarət obyektinin işci lahiyəsi üçün ödədiyi 3500 manat pulu, Rahil Baxışovun Hacıqabul rayonunda yerləşən qeyri-yaşayış sahəsinin icşi lahiyəsinin hazırlanması üçün ödədiyi 3500 manat pulu, Fikrət Qurbanovun Hacıqabul rayonunda yerləşən iaşə və ticarət obyektinin işci lahiyəsinin hazırlanması üçün ödədiyi 4500 manat pulu, Azər İsayevin Biləsuvar rayonunda tikdirəcəyi şadlıq sarayının işci lahiyəsinin hazırlanması üçün odədiyi 6500 manat pulu, Oqtay Əhmədovun Ağcabədi rayonu Uzeyir Hacıbəyov kucəsində tikdirəcəyi otel və hamam binasının işci lahiyəsinin hazırlanması üçün ödədiyi 4500 manat pulu, Yusif Kazımov və qohumu Cəmil Kazımova məxsus iaşə obyektinin işci lahiyəsinin hazırlanması üçün ödədiyi 6000 manat pulu, İftixar Əzizovun Biləsuvar rayonunda yerləşən yanacaq doldurma məntəqəsinin işci lahiyəsinin hazırlanması üçün ödədiyi 4500 manat pulu, Faiq Nəcəfovun Hacıqabul rayonunda yerləşən ticarət obyektinin işci lahiyəsinin hazırlanması üçün ödədiyi 3500 manat pulu, Solmaz Rəhimovanın Hacıqabul rayonunda inşa edəcəyi tikilinin eskiz lahiyəsinin hazırlanması üçün ödədiyi 500 manat pulu, Əhməd Əhmədovun Hacıqabul rayonunda yerləşən birmərtəbəli ticarət obyektinin eskiz lahiyəsinin hazırlanması üçün ödədiyi 500 manat pulu, Nazim Nəsirovun Şirvan şəhərində yerləşən ticarət və xidmət obyektinin işci lahiyəsinin hazırlanması üçün ödədiyi 3500 manat pulu, Əli Əliyevin Biləsuvar rayonunda yerləşən kommersiya obyektinin işci lahiyəsinin hazırlanması üçün ödədiyi 500 manat pulu, Rəna İbişovanın Şirvan şəhərində yerləşən qeyri-yaşayış sahəsinin işci lahiyəsinin hazırlanması üçün ödədiyi 4500 manat pulu, Ağcabədi rayonunda mebel sexinin işci lahiyəsinin hazırlanması üçün ödənilmiş 3500 manat pulu, Bakı şəhəri, Binəqədi rayonu, Biləcəri qəsəbəsində “Bulaq” restoranının əlavə tikililərinin işci lahiyəsinin hazırlanması üçün ödənilmiş 4000 manat pulu əldə edib.

Teyyub Quliyev qeyd olunan obyektlərin işçi lahiyələrini sifariş edərək “Arxproyekt” MMC tərəfindən hazırlanmış lahiyələri MMC-dən goturərək umumilikdə vahid niyyətlə əhatə olunan 69000 manat pulu MMC-nin direktoru Suleyman Cabbarova ödəməyib. O, həmin pulu ələ keçirib. Bu hərəkətləri ilə “Arxproyekt” MMC-yə kulli miqdarda maddi ziyan vurmaqla dələduzluq edib.

Yenə də FHN-in adı hallanır

Teyyub Quliyev daha sonra Asif İbişova Şirvan şəhəri, 20 yanvar küçəsində yerləşən 128 kvadrat metr sahədə tikdirəcəyi obyektinin lahiyə-planını hazırlayacığını vəd verib.

Bu məqsədlə o, 2014-cü ilin mart ayında Şirvan şəhəri, 20 yanvar küçəsi 12a/33 saylı ünvanda 15.000 manat pulu Asif İbişovdan alıb. Amma vədinə əməl etməyərək, ona maddi ziyan vurub.

Bundan başqa, Teyyub Quliyev 2014-cü ilin may ayının əvvəllərində Əhməd Hacıyevdən Beyləqan rayonunda oğlu Fuad Hacıyevin adına aldığı 38 sot torpaq sahəsinin uzərində tikinti işlərinin aparılmasına Fövqaladə Hallar Nazirliyindən icazə alınması məqsədi ilə Bakı şəhəri, Nizami rayonu ərazisində yerləşən “Xudafərin” otelində yerləşən ofisində əvvəlcə 3.200 manat, həmin tarixdə Bakı şəhəri “Xətai” metrostansiyasının yaxınlığında 7300 manat alıb.

O, həmin pulun 6.688.28 manatını ekspert işlərinin icrası üçün Dövlət Ekspertiza Baş İdarəsinə dovlət rusumu kimi odəyərək mədaxil qəbzləri alıb, qalan 4.011.72 manat məbləğində pulu dələduzluq yolu ilə ələ keçirib.

Daha sonra Teyyub Quliyev Əsgər Əsgərova Beyləqan şəhəri, ŞMD 4 qəsəbəsində yerləşən Rəhilə Qəhrəmanovanın adından etibarnamə ilə ona həvalə edilmiş, sahəsi 180 kv.metr olan obyekt üçün (qeyri-yaşayış sahəsi) tikintiyə dair lahiyə sənədlərini və sənədlərin dovlət qurumlarında təsdiq edilməsini vəd edərək inandırıb. O, zərərçəkmişdən 15 sentyabr 2014-cü il tarixdə Yasamal rayonu, Şəfayət Mehdiyev küçəsi 323E saylı binanın qarşısında “Toyota Camry” markalı avtomobilin içində 4500 manat, 24 aprel 2015-ci il tarixdə Nəsimi rayonu, C.Məmmədquluzadə küçəsi 102/11 saylı ünvanın qarşısında yenidən “Toyota Camry” markalı avtomobilin içində 446 manat, 23 iyun 2015-ci il tarixdə Yasamal rayonu, Tbilisi prospekti, “Azərsu ASC”-nin inzibati binası ilə üzbəüz ərazidə yenidən “Toyota Camry” markalı avtomobilin içində 494 manat, 23 iyun 2015-ci il tarixdə Yasamal rayonu, Şərifzadə küçəsi 424A-424B saylı binaların qarşısında 60 manatını ələ keçirib.

Torpaq alverçisinin sövdələşməsi...

Bundan əlavə, Teyyub Quliyev Püre-Rizazadə Mənsurə Asdan qızına Xətai rayonu, Telnov küçəsində yerləşən torpaq sahəsini satacağını vəd edərək inandırıb.

Bu məqsədlə 2014-cü ilin noyabr ayında Yasamal rayonu, İ.Səfərli küçəsi 10 saylı ünvanda 20.000 manat pulu etibarından sui-istifadə etmə və aldatma yolu ilə ələ kecirib.

O, Rasim Hüseynova Xətai rayonu, Telnov küçəsində yerləşən torpaq sahəsini satacağını vəd edərək inandırıb, 2014-cü ilin dekabr ayının əvvəllərində Nəsimi rayonu, 2-ci Alatavada yerləşən “Araz” marketin qarşısında 20.000 manat, 2015-ci ilin yanvar ayının əvvəllərində Xətai rayonu ərazisində yerləşən “Ukrayna” dairəsinin yaxınlığında 5000 manatını alıb.

Daha sonra o, Cahandar İsmayılova Ağcabədi rayonu Hindarx qəsəbəsində yerləşən iaşə obyektində tikinti işlərinin aparılması üçün FHN-dən icazə alınmasında koməklik edəcəyini vəd verib. O, 2014-cü ilin dekabr ayında Ağcabədi rayonu Hindarx qəsəbəsində əvvəlcə 15.000 manat, həmin tarixdən 2015-ci ilin fevral ayınadək olan muddət ərzində isə 8000 manat məbləğində pul vəsaitini alaraq dələduzluq edib.

Növbəti dələduzluq planını Teyyub Quliyev Vəkil Ağayevə qarşı edib. O, Vəkil Quliyevə Biləsuvar rayonu, Aşağı Curətli kəndi yaxınlığında olan torpaq sahəsinin uzərində iaşə obyektinin tikintisi üçün Fövqəladə Hallar Nazirliyindən icazə alacağını vəd edib. O, 22 yanvar 2015-ci il tarixdə Bakı şəhəri ərazisində 20 Yanvar metrostansiyasından 3-cü mikrorayon istiqamətində duşən yolun solunda olan korpunun altında əvvəlcə 1500 manat, 28 yanvar 2015-ci il tarixdə yenidən həmin ərazidə Vəkil Ağayevin taksi surucusu vasitəsi ilə göndərdiyi 1500 manatı alıb.

Pulunu verdi, evini ala bilmədi

Teyyub Quliyev Əliheydər Möylamova “AENT-E” MMC-nin Xətai rayonu, Gəncə prospekti 29/35 A ünvanında tikilməkdə olan hündürmərtəbəli binanın ikinci mərtəbəsində yerləşən 60 kv.m sahəsi olan iki otaqlı mənzili satacağını vəd edib. O, zərərçəkəndən 25 yanvar 2015-ci il tarixdən 2016-cı ilin may ayına kimi olan müddət ərzində Xətai rayonu, Rahib Məmmədov küçəsi ilə Xudu Məmmədov küçəsinin kəsişməsində yerləşən “Yaşıl Kafe” adlı kafedə ümumilikdə 40.000ABŞ dollarını alıb.

Bundan başqa, Teyyub Quliyev Kəmalə Dəmirovaya Xətai rayonu ərazisində yeni tikilmiş hundurmərtəbəli binanın 12-ci mərtəbəsində 3 otaqlı mənzili 35.000 manata satacağını vəd edib, Binəqədi rayonu, 7-ci mikrorayon ərazisində 8000 manat, 2015-ci ilin mart ayında Yasamal rayonu ərazisində yerləşən 20 yanvar metrostansiyasının yaxınlığında yerləşən “20 Yanvar şəhidləri” abidəsinin qarşısında 2000 manatını, Aidə Xodayevaya Abşeron rayonu, Xırdalan şəhəri, Qurtuluş 93 yaşayış massivində ipoteka yolu ilə mənzil alacağı adı ilə 3150 manatını ələ keçirib. O, Aidə Xodayevaya Hövsan qəsəbəsində yerləşən 0,03 ha torpaq sahəsinin təyinatını dəyişdirəcəyini və torpağın eskiz lahiyəsində olan səhvi düzəltdirəcəyini vəd edərək, 2017-ci ilin dekabr ayında Xalqlar Dostluğu metrosunun qarşısındakı ərazidə 246 manatını, Xırdalan şəhəri ərazisində yerləşən DƏDRX-in inzibati binasının qarşısında 720 manatı alıb.

“Bəy” hamamının qarşısında qadın necə aldadılıb?

Daha sonra Teyyub Quliyev Reyhan Süleymanovaya Xırdalan şəhəri, Quşçuluq yaşayış massivindəki 0,03 ha torpaq sahəsini sənədləşdirəcəyini vəd edib. O, 9 yanvar 2018-ci il tarixdə Bakı şəhəri, Nizami rayonu ərazisində yerləşən “Xalqlar Dostluğu” metrosunun yanında 265 manat pulu, bir neçə gün sonra Bakı şəhəri, Səbail rayonu, “İçəri şəhər”də yerləşən “Bəy” hamamının yanında 450 manat pulu, bir neçə gün sonra Bakı şəhəri, Suraxanı rayonu, Yeni Günəşli qəsəbəsi, “B” yaşayış sahəsindəki 9 saylı ünvanın qarşısında 350 manat pulu, 18 yanvar 2018-ci il tarixdə Bakı şəhəri, Yasamal rayonu, “Nizami” metrostansiyasının yanındakı “Qoç Ət” dükanının yanında 1000 manat pulu alıb.

Bundan başqa, o, Rəna Çıraxovaya Suraxanı rayonu, Hövsan qəsəbəsində yerləşən torpaq sahəsinin təyinatını dəyişdirəcəyini, torpağın eskiz lahiyəsində olan səhvi düzəltdirəcəyini və adına sənədləşdirəcəyini vəd verib. Ondan 1116 manat pul alaraq dələduzluq edib.

İstintaq orqanı tərəfindən Teyyub Quliyevin barəsində Cinayət Məcəlləsinin 178.3.2-ci (külli miqdarda dələduzluq törətmək) maddəsi ilə ittiham elan edilib.

Bakı Ağır Cinayətlər Məhkəməsinin hökmü ilə Teyyub Quliyev 6 il 8 ay 26 gün müddətinə azadlıqdan məhrum edilib.

Hökmdən narazı qalan Teyyub Quliyev apelyasiya şikayəti verib. O, əməlini Cinayət Məcəlləsinin 178.2.2-ci (təkrar dələduzluq etmək) və 178.2.4-cü (xeyli miqdarda ziyan vurmaqla dələduzluq törətmək) maddələrinə tövsif edilməsini, barəsində ədalətli qərar qəbul edilməsini xahiş edib.

Teyyub Quliyevin şikayəti araşdırılması üçün Sumqayıt Apelyasiya Məhkəməsinə göndərilib. Hakim Məhəmmədəli Rzayevin sədrliyi ilə baş tutan iclasda apelyasiya şikayətinin dəlilləri araşdırılıb, sonda qərar elan edilib.

Qərara görə, Teyyub Quliyevin apelyasiya şikayəti təmin olunmayıb.


Paylaş:


Müəllif : Tarix:
13-04-2020, 12:16
  


loading...
Загрузка...