reklam
Regionxeberleri.com » Gündəm » Ucarda Vətən müharibəsi şəhidi Nifdalı Mehdilinin anım mərasimi keçirilib - FOTO

reklam

Ucarda Vətən müharibəsi şəhidi Nifdalı Mehdilinin anım mərasimi keçirilib - FOTO


44 gün davam edən və böyük qələbəmizlə başa çatan Vətən müharibəsində qəhrəman Ordumuz şücaət göstərərək işğal altındakı torpaqlarımızı düşmən tapdağından azad etdi. Belə qəhrəmanlarımızdan biri də şəhid Niftalı Mehdilidir.

Mehdili Nifdalı Qnyaz oğlu 1996-cı il mayın 15-də Ucar rayonunun Bərgüşad kəndində anadan olub. 2003-cü ildə Bərgüşad kənd məktəbində birinci sinfə gedib və 2011-cu ildə oranı bitirib. 2014-cü ildə Niftalı Mehdili həqiqi hərbi xidmətə yollanıb. Xidməti dövründə fəallığı və cəsurluğu ilə seçilib. 2015-ci ildə xidmətini başa vurub.

2020-ci il sentyabrın 27-də başlanan Vətən müharibəsinə könüllü şəkildə qatılıb. Gərgin döyüşlərdə düşmənin xeyli canlı qüvvəsini məhv edib. Suqovuşan qəsəbəsinin azad edilməsində göstərdiyi şücaətə görə ona gizir rütbəsi verilib. Həmin döyüşdə 20 erməni əsgərini məhv edib.

Oktyabrın 13-də Ağdərə uğrunda gedən döyüşlərdə düşmən gülləsinə tuş gələrək şəhidlik zirvəsinə yüksəlib.

Oktyabrın 16-da doğulduğu kəndin qəbiristanlığında torpağa tapşırılıb.

Ali Baş Komandan tərəfindən ölümündən sonra “Suqovuşanın azad olunmasına görə”, “Vətən uğrunda”, “İgidliyə görə” medalları ilə təltif edilib.

Şəhid N.Mehdili bu gün doğulduğu kənddə anılıb. Anım günündə şəhidin ailə üzvləri və kənd camaatı iştirak ediblər. Şəhidimizin ruhuna dualar oxunub, məzarı üzərinə əklil və tər güllər düzülüb.

RegionXəbərləri.com 












Paylaş:


Müəllif : Tarix:
16-10-2021, 15:50
Sikayət   


loading...
Загрузка...