reklam
» » 14 milyon rüşvət alan Mövlam Şıxəliyevin işində hakimin marağı nədir?

reklam

14 milyon rüşvət alan Mövlam Şıxəliyevin işində hakimin marağı nədir?


Ləğv edilmiş MTN-nin İstintaq Baş İdarəsinin sabiq rəisi Mövlam Şixəliyev, həmçinin MTN-in keçmiş əməkdaşları - Vüsal Əliyev, Yasin Məmmədov, Sahib Ələkbərovun cinayət işi üzrə məhkəmə prosesi başlayıb.

Musavat.com xəbər verir ki, işə Bakı Hərbi Məhkəməsinin hakimi Elbəy Allahverdiyevin sədrliyi ilə baxılır.

Maraqlıdır ki, hakim məhkəmənin hazırlıq iclasının qapalı keçirildiyini əsas gətirərək media nümayəndələrini prosesə buraxmayıb. Amma qanunla məhkəmənin hazırlıq iclası qapalı keçirilə bilməz. Amma hakim 14 milyon rüşvəti alan Mövlam Şıxəliyevin və digərlərinin prosesini qapalı keçirib.

Prosesə jurnalistlərlə yanaşı təqsirləndirilən şəxslərin yaxınlarının buraxılmadığı da deyilir. Amma bəzi şəxslər müxtəlif bəhanələrlə iclas zalına keçib.

Cinayət işi üzrə 32 zərərçəkmiş var.

İstintaqla Mövlam Şixəliyevin mütəşəkkil dəstə halında ümumilikdə 14 milyon 292 min manat məbləğində pul vəsaitini rüşvət qismində, 5 milyon 77 min manat məbləğində özgə əmlakını hədə-qorxu ilə tələb edib almasına, həmçinin səlahiyyət həddini aşması və sübutları saxtalaşdırmasına əsaslı şübhələr müəyyən edilib.

Mövlam Şixəliyevə Cinayət Məcəlləsinin 182.3.1, 182.3.2 (külli miqdarda əmlak əldə etmək məqsədi ilə mütəşəkkil dəstə tərəfindən hədə qorxu ilə tələb etmə), 294.3 (sübutları saxtalaşdırma), 311.3.1 (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma) və digər maddələri ilə ittiham elan edilməklə barəsində məhkəmənin qərarı ilə həbs qətimkan tədbiri seçilmiş, Vüsal Ələkbərov, Yasin Məmmədov və Sahib Ələkbərov həmin Məcəllənin 311.3.1, 341.2.1, 341.2.3-cü (vəzifə səlahiyyətlərindən sui-istifadə və ya vəzifə səlahiyyətlərini aşma) və digər maddələri ilə təqsirləndirilən şəxs qismində cəlb edilməklə barələrində müvafiq qətimkan tədbirləri seçilib.



Paylaş:


Müəllif : Tarix:
11-10-2021, 11:46
  


loading...
Загрузка...