reklam
» » Onu VURMAQ o qədər də asan məsələ deyilmiş... - RAMİZİN RAZİMİ...

reklam

Onu VURMAQ o qədər də asan məsələ deyilmiş... - RAMİZİN RAZİMİ...


İndiki məmurların bir çoxu obrazlı desək, bazardan, “tolkuçka”dan gəliblər. Yəni bunlar bazar adamlarıdır. Bunlar üçün şəhər mədəniyyəti, ümumiyyətlə, şəhər anlayışı yoxdur. Bircə anlayış bilirlər, al-ver və bazar. Bunlar hər şeyə bazar prizmasından yanaşırlar. Bunlar üçün şəhərin gözəlliyi, memarlığı yoxdur.
Ona görə də şəhərin ərazisini metr-metr satırlar, tarixi binaları uçurdub yerində eybəcər “uzun karobka”lar dikəldirlər.
Belə məmurlardan biri də Xətainin keçmiş icra başçısı, hazırda Prezident Administrasiyasında baş məsləhətçi işləyən Razim Məmmədovdur.
Dağıl, ay dünya, Razim PA-da kimə və nə məsləhət verəcək. Yəqin ki, Səkinə dayıqızı, naynay oxuyacaq.
Bəli, vaxt var idi gözəl Bakımızda memarlıq üslubunda tikilmiş məşhur qonaq evləri, mehmanxanalar var idi.
Onlardan ən gözəli Muğan, İnturist, Moskva, Abşeron idi.

Onların tikintisində məşhur Azərbaycan rəssamları və heykəltəraşları iştirak ediblər. Yeri gəlmişkən, “Muğan” və “İnturist” memar A.V. Şuşevin memarlıq şedevrləri idi.
Deyirəm, Şuşev bilsəydi ki, nə vaxtsa Razim adında biri peyda olub “Muğan” mehmanxanasını sökəcək və yerində əndrəbadi obyekt tikəcək, yazıq o boyda əziyyət çəkməzdi.
Bəli, Razim Məmmədov puluna güvənib tarixi abidəni sökəndə az qala onu içəri soxacaqdılar. Ancaq generallardan biri onu xilas edə bildi. Və generalla şərik oldular. Elə o vaxtdan Razim şəhəri sökə-sökə gedir.
Məlumat üçün qeyd edək ki, ömründə nəinki 1 gün, heç 1 saat da olsun dövlət qurumunda çalışmayan, idarəetmə təcrübəsi olmayan Razim Məmmədov 2006-cı ildə Xətaiyə icra başçısı təyin olunub.
Xətaidə çalışdığı 13 il müddətində Razim Məmmədov rayonu qarış-qarış satıb, yaşıllıqları məhv edib, hətta tarixi binaları söküb özü üçün obyektlər tikdirib.
Razim Məmmədovun dövründə Xətai rayonu paytaxt Bakının ən korrupsiyalaşmış rayonu olub. Hətta, Razim Məmmədovun həbs olunması da xeyli müddət gündəmdə olub.
Lakin hansısa sirli əl Razim Məmmədovu Xətaidən götürüb Prezident Administrasiyasına apardı.
Əslində sirrli əl deyil, yuxarıda qeyd etdiyimiz general Razim Məmmədovu PA-a apardı və həbsdən xilas etdi.
Bəli, Razim Məmmədov icra başçısı olduğu dönəmdə bütün qanunları pozaraq öz şəxsi biznesini çiçəkləndirib.
Bu adamın Bakı kəndlərindəki evlərinin, mülklərinin sayı bilinmir.
Razim Məmmədovun təkcə Bakının mərkəzində ən ucuzunun dəyəri 350 min manat olan 75 mənzili var.
Sabiq icra başçısı Bakı kəndlərinin birində yerləşən bir neçə villasını sökdürərək, yerində klinika tikdirir.
Bütün bunlar azmış kimi Razim Məmmədov koronavirus pandemiyası ilə bağlı dövlətin qadağalarını da saya salmır, sanki qanunlara meydan oxuyur.
Məlumat üçün bildirək ki, Novxanıdakı dəyəri bir neçə milyonla ölçülən möhtəşəm otel, restoran, istirahət mərkəzi - “Mariana Trench” - də Razim Məmmədova məxsusdur.
Bəli, Razim Məmmədovun “Mariana”sı karantin qaydalarını ciddi şəkildə pozur, ümumiyyətlə, burada COVİD-lə bağlı heç bir məhdudiyyət yoxdur. Sanki Razim Məmmədov başqa planetdə yaşayır.
Bütün bunlar azmış kimi, Qoşqar Təhməzlinin QİDA agentliyi də Razimin obyektlərinə yaşıl işıq yandırıb.
Görəsən bu möhtəşəm obyektin ödədiyi qəpik-quruş Vergilər Dövlət Xidmətini niyə narahat etmir ?
Yeri gəlmişkən, bir məsələni də qeyd edək.
Deməli, Razim Məmmədov “Mariana”sını genişləndirmək üçün dənizin sahilini hasara almaq istəyir. Ancaq qarşısına ciddi əngəl çıxıb, ortada yol var.
Redaksiyamıza yeni daxil olmuş bir məsələni də xüsusi olaraq qeyd etməyə ehtiyac var.
Deməli, əslində Razim Məmmədovun PA-da konkret vəzifəsi 5 rayona kuratorluq etməkdir.
Daxil olan məlumatda Razim Məmmədovun həmin rayonların icra başçıları ilə hansı şərt və metodla işləməsi barədə ilginc informasiya var.
Dəqiqləşdirəndən sonra növbəti yazıda bu haqda bəhs edəcəyik.
P.S Ötən yazılarımızın birini oxuyan polkovnik zəng açaraq ironiya ilə mən sənlə görüşəcəm, mən isə öz növbəmdə həmin adamın mənimlə dostluq münasibətində olduğunu başa düşmüşdüm. Amma sonradan bəlli oldu ki, bu adam mənim dostlarıma "bilirsiniz biz o adamın yolunu necə gözləyirdik" imkan verin işimizi görək. Biz isə öz növbəmizdə bildiririk ki, sənin kimi polkovniklər həmişə generalların qarşısında sınaraq təzim ediblər. O ki qaldı o cümləyə, sən onu demisən Ağabəy Sultanovdan yadigar qalanları möhkəm qoru, amma sənin bizimlə mübarizə aparmağın nə sənin o xırıltılı səsinə yaraşir, nə də xəstə vücuduna. //gundelik-baku.com//


Paylaş:


Müəllif : Tarix:
22-09-2021, 09:44
  


loading...
Загрузка...