reklam
» » Türkanda məmurlar sakinlərə "qan uddurur"... - GİLEY

reklam

Türkanda məmurlar sakinlərə "qan uddurur"... - GİLEY

Bakının Türkan qəsəbəsinin icra nümayəndəsi Rahil Babayevin həbsindən sonra vəziyyət bir qədər də qəlizləşib. Rahil Babayevin fəaliyyətinə bələd olanlar deyir ki, onun nümayəndə olduğu dövrdə Türkanın torpaqları zəbt olunub, qarış-qarış satılıb. Rahil Babayev torpaqları zəbt etdirib qanunsuz satsa da, tikintiyə görə rüşvət yığmağa o qədər də həvəs göstərməyib. Bu barədə istiqlal.az-a qəsəbədki mənbələrdən məlumat daxil olub.

Mənbənin sözlərinə görə, Rahil Babayev 2 ahıl qadının torpaq sahələrnin zəbtinə görə qandallanıb Bakı İstintaq Təcridxanasına göndəriləndən sonra Türkanda nəhayət ki, torpaqlarla bağlı qanunsuzluqlara son qoyulacağına ümid yaranıb.
Sakinlər deyir ki, Vüqar Balayev 2 ay əvvəl icra nümayəındəsi vəzifəsinə gətirilsə də, artıq həbsdə olan Rahil Babayevə rəhmət oxudur. Türkan sakinləri deyirlər ki, bu gün kənddə yeni və daha ağır qaydalar otuşdurulmaqdadır. Vüqar Balayev icra nümayəndəsi gətirilməklə yanaşı onun qaynı Böyük Ağa Xaləddin oğlu Yarıyev də Türkan bələdiyyəsinə sədr vəzifəsinə təyin olunub. Bu gün Türkan yeznə-qayının yeni və daha ağır şərtlərinə sinə açmaq məcburiyyəti ilə üz-üzə qalıb. Türkanlılar bu təyinatları icra başçısı Elşən Salahovla nümayəndənin qaynatası, sədrin atası Xaləddin Yarıyevin dostluğundan qaynaqlandığını deyirlər.

Yayılan məlumatlara görə, Rahil Babayevin etmədiyi özbaşınalıqları da yeznə-qayın birləşib edirlər. Kəndin ərazisində illər əvvəl aparılmış tikintiləri qanunsuz elan edib dağıtmaqla sakinlər arasında çox böyük narazılıq yaradıblar. Qanunsuz elan edilən və sökülməyən tikililər də var. Bunun üçün belə tikililərin sahibləri ağsaqqalla, yəni Xaləddin Yarıyevlə görüşməli, onun razılığını almalıdır. Türkanda yeznə-qayın və onlara başçılıq edən ağsaqqal peyda olub. İndi kənddə köhnə əyyamları arzulayanlar az deyil. Ən azı Rahil Babayevin qaynı bələdiyyə sədri deyildi, özü də Yarıyev kimi ağsaqqallıq iddiasından çox uzaq idi. İndi isə dəngələr dəyişib. Bu dəyişiklər kənddə çox ciddi problemlərin başlanğıcı kimi dəyərləndirənlər də az deyil. Bunun ilkin əlaməti kimi kənd sakini Samir Quliyevin Nəzakət Quliyevaya məxsus daş karxanasına silahlı basqını, Qərib Nadirovun hasarının heç bir məhkəmə qərarı olmadan yeznə-qayın tərəfindən yerlə bir edilməsi, sonuncunun qanunsuzluğa etiraz əlaməti olaraq öz maşınını kəndin mərkəzində odlayaraq yandırmasını misal göstərmək olar. Türkan sürətlə kriminal qaydalarla idarə olunan kənd statusunu qazanmaq üzrədir.



Paylaş:


Müəllif : Tarix:
23-02-2021, 09:24
  


loading...
Загрузка...