reklam
» » Cəlilabadda meşələr məhv edilir, nazir isə fil qulağında yatıb…

reklam

Cəlilabadda meşələr məhv edilir, nazir isə fil qulağında yatıb…


Bir qurup məmur tərəfindən Cəlilabad meşələri talan edilir.
Bu barədə dosye.org-a rayon sakinləri məlumat verib. Belə ki, rayonun Ağdaş, Vənnik, Axtaxana, Şatırlı və meşə qırağı kəndlər soyğunçuluğa məruz qalıb. Əməkdaşlarımızın apardığımız araşdırmalara görə, həmən ağaclar kəsilərək Masallının Xocavar kəndinə daşınır. Mənbə iddia edir ki, oğurluq yolu ilə daşınan ağaclar Xocavar kəndində fəaliyyət göstərən mebel sexinə aparılır və kubu 280 manata satılır. Masallı Regional Meşə Təsərrüfatı Mərkəzin direktoru Adəm İsmiyev şəxsi maraqlarını üstün tutaraq həmən kəsilmiş ağacları odun kimi qeydiyyata almışdır. Bir sözlə, A. İsmayılov Ekalogiya və Təbii Sərvətlər Nazirliyinə kələk gəldi.
Digər bir məqam ondan ibarətdir ki, belə bir cinayətin arxasında iki versiya durur. Birinci versiya ondan ibarətdir ki, fotoda gördüyünüz meşə soyqırımına rəhbərlik edən şəxs məhz Ekalogiya və Təbii Sərvətlər Naziri Muxtar Babayevin özüdür. Ən azından idarə müdiri ağacların məhv edilməsində və mebel sexinə kubu 280 manatdan satılmasında iştirak etməzdi. Çünki, cinayət əməli olan hadisə heç zaman ört-basdır edilməməlidir. İkinci versiya ondan ibarətdir ki, nazir Muxtar Babayev işinin öhtəsindən gələ bilmir və meşə idarə müdirləri nazirin zəif nöqtəsindən istifadə edir. Bu işdə yeli icra hakimiyyətləri və digər qurumlar da əlbir işləyir desək yanılmarıq.
Xatırladaq ki, Cəlilabad rayonu ilə bağlı hər zaman silsilə məqalələrimiz dərc edilib. Bir müddət öncə qeyd edirdik ki, Cəlilabad RİH başçısı Namiq Zeynalov rayonda bütün idarə, müəssisə və təşkilat rəhbərliklərindən rüşvət tələb edir. Nəticə etibarı ilə desək, bütün qeyd etdiklərimiz faktlar təsdiqini tapdı və Namiq Zeynalov DTX tərəfindən həbs edildi. Ümüd edirik ki, Cəlilabad meşə idarəsində baş verən qanunsuzluqlar nəzarətə götürüləcək, meşələrin məhv edilməsində iştirak edən şəxslər cəzalandırılacaq.
Araşdırmalarımız davam edir.








Paylaş:


Müəllif : Tarix:
17-01-2021, 14:24
  


loading...
Загрузка...