reklam
» » Surət Hüseynov əslində NƏ İSTƏYİR? - Tanınmış vəkil izah edir

reklam

Surət Hüseynov əslində NƏ İSTƏYİR? - Tanınmış vəkil izah edir


"Bilməyənlər üçün deyim ki, 1993-cü ilin iyununda Gəncədə baş verən hadisələrlə bağlı cinayət işi üzrə əvvəldən axıra kimi vəkil kimi iştirak etmişəm və kifayət qədər, bəlkə də iştirakçılar qədər məlumatlıyam. İyunda Gəncədə baş verənlərin bir adı var, o da qiyamdır. Bu hadisələr son günlər Sürət Hüseynovun müsahibələri ilə yenidən gündəmi zəbt edib".

Teleqraf.com xəbər verir ki, bu fikirlər tanınmış vəkil Adil İsmayılova məxsusdur.

O qeyd edib ki, Surət Hüseynovun barəsində nəsə danışmağa dəymədiyi üçün müsahibə verməkdən imtina edib.

"İki məsələyə münasibət bildirmək istəyirəm. Birinci, o dövrün yüksək çinli məmurlarına aiddi. Hamınız yaxşı tanıdığınız üçün adlarını çəkmək istəmirəm. Hörmətli bəylər, birdəfəlik etiraf edin ki, bu hadisələrə görə məsuliyyət sizin üzərinizdədir, səbəb də səriştəsizliyiniz olub. İndi rəhmətlik prezident Əbülfəz bəyin arxasında gizlənməyin, onu rahat buraxın. Sizi inandırıram etiraf edəndən sonra həm siz rahat olacaqsınız, həm də ictimaiyyət sakitləşib yaxanızdan əl çəkəcək" deyə, A.İsmayılov bildirib.

Vəkil hesab edir ki, Surət Hüseynova aiddi: "Onun son vaxtlar gündəmə gəlməkdə bir məqsədi var, adam status-kvonu bərpa etmək istəyir. Yəni siyasətə gəldiyi dövrə qayıtmaq, özünün hesab etdiyi Yevlax yun zavodunu qaytarmaq istəyir. Adamdan qəhrəman düzəltməyə ehtiyac yoxdur. Jurnalist dostlardan xahiş edirəm ki, onunla söhbətlərinə bu rakursdan yanaşsınlar. Hazırda hamımızı daha vacib məsələlər maraqlandırmalıdı, enerji və bacarığınızı bu məsələlərə yönəltsəniz yaxşı olardı".


Paylaş:


Müəllif : Tarix:
11-07-2020, 11:14
  


loading...
Загрузка...