reklam
» » AZƏRBAYCAN HƏMSƏDRLƏRƏ BİR DAHA VİZA VERMƏMƏLDİR – Bakıdan reaksiyalar

reklam

AZƏRBAYCAN HƏMSƏDRLƏRƏ BİR DAHA VİZA VERMƏMƏLDİR – Bakıdan reaksiyalar

Azərbaycan oxumalıdır; politoloq: “Onların görəcəyi bir iş qalmayıb, münaqişəni alovlandırmaq üçün gəlirlər...”

ATƏT-in Minsk Qrupunun həmsədr ölkələri xarici işlər nazirləri səviyyəsində Qarabağ bəyanatı qəbul ediblər. Bəyanatda 10 noyabrda Azərbaycan, Rusiya prezidentləri və Ermənistan baş nazirinin imzaladığı bəyanat alqışlanır, Azərbaycan və Ermənistan Qarabağ danışıqlarını “məlum prinsiplər və elementlər” əsasında davam etdirməyə çağırılır. Eyni zamanda, həmsədrlərin bölgəyə gələcəkləri anons edilib.

Bəs onlar Bakıda nəyi müzakirə edəcəklər, əgər “Dağlıq Qarabağ konflikti” anlayışı artıq yoxdursa? Gəlsələr, rəsmi Bakı onları yenə ən yüksək səviyyəsində qəbul etməlidirmi? Onların gəlişi üçün viza verməldirimi?

Politoloq Məhəmməd Əsədullazadə musavat.com-a bildirib ki, artıq ATƏT-in Minsk Qrupuna ehtiyac qalmayıb, çünki Azərbaycan işğal olunmuş ərzilərini azad edib və demək olar Dağlıq Qarabağ münaqişəsi arxada qalıb: “Azərbaycan Prezidenti İlham Əliyev həm 1 dekabrda, həm də 3 dekabrda BMT Baş Assambleyasının sessiyasında çıxışında konkret bıyan edib ki, Dağlıq Qarabağ münaqişəsi həll olunub. Münaqişəni Azərbaycan özü həll edib, Minsk Qrupunun görməli olduğu işi də Azərbaycan həyata keçirib. Ona görə də artıq Minsk Qrupunun, o cümlədən onun üçlü həmsədrlərinin görəcəyi iş yoxdur. ATƏT-Minsk Qrupunun həmsədrləri daim münaqişənin hərbi həllinə qarşı çıxaraq status-kvonun qorunub saxlanılmasına çalışıb. Azərbaycan bütövlükdə bu məsələni həll edib.

Bəzi problemlər var ki, o da Azərbaycanın daxili məsələsidir və Ermənistanla yoluna qoyacaq. Minsk Qrupu gəlib burada düşmənçilik siyasəti ortaya qoyacaq. Onların verdiyi son bəyanat yenə də işğalçı Ermənistanla 30 il işğala məruz qalan Azərbaycanı bərabərlişdirməkdir. Eyni zamanda, separatçı qondarma rejimi hansısa şəkildə tərəf kimi prosesə cəlb etmək niyyəti güdülür. Onlar çalışırlar ki, Xankəndində məlum erməni icmasını danışıqlara cəlb etsin. Ona görə də Azərbaycan bəyan eləməlidir ki, Minsk Qrupu ilə danışacaq bir proses yoxdur. Hesab edirəm ki, onların regiona gəlişi yeni bir münaqişənin alovlanmasına xidmət edər. Azərbaycan tərəfi bunları qəbul etməməlidir, onlara viza verilməməlidir”.

Politoloq qeyd etdi ki, ümumiyyətlə hazırda Ankara-Moskva Bakı formatı davam edir: “Fransa, ABŞ çalışır ki, kənarda qaldıqlarını yeni bir vəziyyət yaratmaqla kompenssiya etsinlər. Fransanın ümumiyyətlə prosesdə olması Azərbaycanın maraqlarına cavab vermir. Həmçinin bu ölkə işğalçının tərəfini tutmaqla birbaşa vasitəçiliyinə kölgə salıb. Fransa senatı “dqr”i tanımaqla bağlı qətnamə qəbul etməklə Minsk Qrupunda həmsədrliyinin üstündən xətt çəkib. Bundan sonra Fransa heç bir əsasla vasitəçi ola bilməz. Digər tərəfdən, bir daha qeyd etməyi lazım bilirəm, münaqişə artıq həllini tapıbsa onlar nəyin vasitəçiliyini edəcəklər!? Fransanı qətiyyən regiona buraxmaq lazım deyil. Onlar gəlib prosesi qızışdıracaq. Ona görə də Minsk Qrupuna Azərbaycan son verməlidir”.

Qarabağ Azadlıq Təşkilatının sədri Akif Nağı da qeyd edib ki, bu məsələ ilə bağlı Azərbaycan cəmiyyətinin fikri birmənalıdır. Minsk qrupunun həmsədrlərinin fəaliyyətinə artıq ehtiyac qalmayıb: “Azərbaycan Prezidenti bəyan edib ki, Dağlıq Qarabağ münaqişəsi ifadəsi artıq mövcud deyil. Status müzakirə olunmur. Qarabağ Azərbaycanın beynəlxalq hüquq tərəfindən tanınan torpağıdır. Azərbaycan öz torpağında haqqını bərpa edib və etməlidir. Ona görə də Minsk Qrupu həmsədrlərinin müzakirə edəcəyi bir məsələ yoxdur. Həmsədrlərdən Fransa xüsusilə özünü müharibə dövründə və müharibədən sonra çox pis apardı. İşğalçının tərəfini tutmaqla özünün vasitəçiliyinə əslində son verdi. Ona görə də onların Azərbaycana gəlməsinə ehtiyac yoxdur. Məncə, onlar burada qəbul edilməməlidirlər. Onlar getsinlər özlərini buraxsınlar”.


Paylaş:


Müəllif : Tarix:
5-12-2020, 11:20
  


loading...
Загрузка...