İspaniyalı futbolçu Paula Dapena ötən həftə vəfatı edən əfsanəvi futbolçu Maradona üçün bir dəqiqəlik sükutda iştirak etməkdən imtina edib.

"Viajes İnterrias" futbol klubunun qadın oyunçusu bir dəqiqəlik sükut zamanı digər futbolçuların baxdığı istiqamətə baxmaq yerinə, arxası çevrilib halda yerdə oturmağı seçib.

Dostları arasında radikal feministliyi ilə tanınan 24 yaşlı futbolçu məsələ ilə bağlı açıqlama verib. "Bir təcavüzkar və pedofil üçün bir dəqiqəlik sükut etmək fikri ilə razılaşmadım",-deyən qadın eyni zamanda Maradonanın möhtəşəm bir futbolçu qabiliyyətinə malik olduğunu da vurğulayıb.

Xatırladaq ki, çox müxtəlif cinayətlərdə ittiham olunan Maradonanın adı iki dəfə təcavavüz məsələsində hallanıb.


Paylaş: