reklam
» » “Hakim iki azyaşlı uşağımı ərimə verdi” - Qız-qızanın qurbanı olan qadının fəryadı...

reklam

“Hakim iki azyaşlı uşağımı ərimə verdi” - Qız-qızanın qurbanı olan qadının fəryadı...

Məlumdur ki, ölkəmizdə son illər boşanmaların sayı artıb. Bunun isə müxtəlif səbəbləri var. İki azyaşlı övladı ilə həyat yoldaşından ayrılan Hüseynova Səringül Rasim qızının da boşanmasının müxtəlif səbəbləri var. O, deyir ki, həyat yoldaşı məsuliyyət hiss etməyib, işləyib ailəsini dolandırmaq əvəzinə, ona işgəncələr verib. Bununla yanaşı, keçmiş əriylə qız-qıza olublar. Səringülün baldızı dayısının arvadı olub, o, da dayısının qayınına ərə gedib.

Cəlilabad rayon Muğan kəndində yaşayan Səringül başına gələnləri Moderator.az-a danışaraq, saytımız vasitəsilə dərdini Birinci vitse-prezident Mehriban xanım Əliyevaya çatırmaq istəyir:

"Şamxal çox məsuliyyətsiz ailə başçısı idi...”

“Həyat yoldaşım Həziyev Şamxal Etibar oğluyla 2012-ci ildə ailə həyatı qurduq. O, biz əvvəldən qohum idik, onun da bacısı dayımın arvadıydı. İki övladımız-Həsən və sonra isə Bahar dünyaya gəldi. Şamxal çox məsuliyyətsiz ailə başçısı idi, işləyib bir kişi kimi çörək gətirsin, ailəsini dolandırsın, bunların heç biri onda yox idi. Bizə ancaq anam köməklik edirdi. Özümüz isə Biləsuvar rayonunda yaşayırdıq”.

“O, bir neçə ay sonra alimenti ödəyə bilmədi...”

“Zamanla gördüm ki, Şamxal evdə hazır yeyib-yatmaqdan qudurub, məni və uşaqları incidir. İş var, get işlə, deyəndə məni döyürdü. Mən də 2018-ci ildə Cəlilabad rayon Məhkəməsinə müraciət edərək ondan boşandım. Məhkəmə iki uşağın hər birinə 80 manat alimet kəsdi. Şamxal bir neçə ay sonra alimenti də ödəyə bilmədi. Məhkəmədən dəfələrlə ona alimentin ödənməsiylə bağlı xəbərdarlıq da etmişdilər. İndiyə kimi onun 1000 manatdan çox aliment borcu qalıb. Uşaqlarını isə Şamxala göstərirdim, nə vaxt istəyirdi gəlib aparırdı onda qalırdılar. Axırıncı dəfə isə Şamxal uşaqları aparandan sonra geri vermədi. Mən övladlarımın axrasınca gedərkən o, məni və anamı döyərək xəsarət yetirdi. Bununla bağlı polisə şikayət etmişik”.

“Gördü ki, alimenti verə bilmir məni məhkəməyə verib uşaqları tələb etdi...”

“Olğum Həsənin 6 yaşı var və obasında sümük boşluğu olduğu üçün onu Maştağada yerləşən 1 nömrəli Uşaq Sanatoriyasına yerləşdirdik. Həsən tək qala bilmədiyi üçün bacısı Baharı da orda qoydum. Həkim dedi ki, uşaq burda üç ay müalicə olunmalıdır. Həsən özü də 200 manat pensiya alır. Şamxal gördü ki, alimenti verə bilmir məni məhkəməyə verib uşaqları tələb etdi. Cəlilabad rayon Məhkəməsində hakim Elxan Əmirəliyevin sədrliyi ilə keçirilən iclasda bildirdim ki, mən övladımı müalicə etdirirəm. Şamxal isə iddia etdi ki, guya mən uşaqları uşaq evinə vermişəm. Hakim əvvəl məni müdafiə edib, dediklərimin doğru olduğunu desə də, sonradan mövqeyini dəyişdi və uşaqların atasında qalmasıyla bağlı qətnamə çıxardı. İki azyaşlı uşağım elə də atasında qaldı. Hansı ki, məhkəmənin qətnaməsi ünvanıma göndəriləndən sonra icraçılar övladlarımı məndən alıb atasına verməliydilər. Amma burda da mənə qarşı haqsızlıq etdilər.

Mən sizin vasitənizlə ölkənin Birinci vitse-prezidenti Mehriban xanım Əliyevaya müraciət edərək kömək istəyirəm. Necə ola bilər ki, azyaşlı övladlarımı məhkəmə atasına verir?! Mən bununla bağlı artıq Apellyasiya Məhkəməsinə şikayət verəcəm. Xahiş edirəm mənə köməklik etsinlər. Hakim açıq aşkar mənə qarşı haqsızlıq edib”.

Redaksiyadan: Araşdırmamız davam edir və hakimin də mövqeyini öyrənməyə çalışacağıq.


Paylaş:


Müəllif : Tarix:
2-04-2020, 09:42
  


loading...
Загрузка...