reklam
» » Ədliyyə Nazirliyi “Qarabağa Qayıdış”ı qeydiyyata almaqdan imtina etdi - BU SƏBƏBƏ GÖRƏ

reklam

Ədliyyə Nazirliyi “Qarabağa Qayıdış”ı qeydiyyata almaqdan imtina etdi - BU SƏBƏBƏ GÖRƏ

 «Qarabağa Qayıdış» İctimai Birliyinin dövlət qeydiyyatına alınması üçün Ədliyyə Nazirliyinə etdiyi müraciətinə mənfi cavab verilib.
Bu barədə Gununsesi.org-a məlumatı «Qarabağa Qayıdış» İctimai Birliyinin təsisçilərindən biri və sədri olan Vaqif İsmayıl vermişdir. Onun sözlərinə görə Ədliyyə Nazirliyinin Qeydiyyat və Notariat Baş İdarəsinin rəis müavini Mehman Sultanovun imzası ilə gələn cavab məktubunda İctimai Birliyin qeydiyyatından imtina edilmişdir.
İmtinanın səbəbi isə çox təəcüb doğurur. Belə ki, imtina üçün əsas “qurumun nizamnaməsində onun daimi və ya konkret məqsədlə təsis edildiyi müəyyən edilməməsi” göstərilmişdir. O zaman belə bir sual ortaya çıxır ki, Qarabağa qayıtmağımız Ədliyyə Nazirliyinin baxış bucağında daimi yoxsa müvəqqəti xarakterlidir? Qurumun adından da bəllidir ki, biz tezliklə Qarabağa və işğal edilmiş digər torpaqlarımıza qayıtmaq istəyirik və bu proses hər bir məcburi köçkün öz yurduna qayıdanadək davam edəcəkdir. İctimai Birliyin Nizamnaməinin 2.1-ci bəndinə əsasən “«QARABAĞA QAYIDIŞ» İctimai Birliyinin məqsədi xalqımızın tarixi torpaqları, Dağlıq Qarabağ və işğal edilmiş digər ərazilər, eyni zamanda Dağlıq Qarabağ münaqişəsi ilə bağlı xalqımızın haqq səsini cəmiyyətimizə, xarici dövlətlərə və beynəlxalq təşkilatlara çatdırmaqdan ibarət” olması kimi qeyd edilmişdir. Hesab edirik ki, Ədliyyə Nazirliyinin bu cür mövqeyi Qarabağın işğalı ilə barışması kimi başa düşülür. Bundan sonrakı addımlarınız nədən ibarətdir sualına Birliyin sədri Vaqif İsmayıl belə cavab vermişdir. Biz hüquqi müstəvidə addımlar ataraq Ədliyyə Nazirliyini məhkəməyə verməyi və dövlət başçısına müraciət edərək məktubda qeyd edilənlərin dövlətin mövqeyi ilə uyğun olub olmaması barədə cavab gözləyəcəyik.




Paylaş:


Müəllif : Tarix:
3-10-2019, 17:50
  


loading...
Загрузка...