reklam
» » Azərbaycanlı rejissorlar Connect TV-ni - MƏHKƏMƏYƏ VERDİ

reklam

Azərbaycanlı rejissorlar Connect TV-ni - MƏHKƏMƏYƏ VERDİ


Azərbaycan Professional Kinorejissorlar Gildiyası (APKG) kabel televiziyası olan Connect MMC-ni məhkəməyə verib.
Regionxeberleri.com xəbər verir ki, TED.az-ın məlumatına görə, tərəflər arasında artıq iki ildən çoxdur davam edən narazılığın səbəbi Connect televiziyasında yayımlanan retroslyasiya yolu ilə yayımlanan audiovizual əsərlərdir-filmlərdir.

İddiaya görə, Connect MMC fəaliyyətə başladığı dövrdən Kinorejissorlar Gildiyasının dəfələrlə rəsmi və qeyri-rəsmi müraciətlərinə baxmayaraq audiovizual əsərlərin istifadəsinin hüquqi əsaslarını yaratmadan - yəni Professional Kinorejissorlar Gildiyası ilə müqavilə bağlamadan və müəllif qonorarı ödəmədən qanuna zidd olaraq həyata keçirir.
Professional Kinorejissorlar Gildiyası Connect MMC-yə 2015-ci ildən başlayaraq müxtəlif tarixlərdə dəfələrlə məktub göndərərək göstərilən audiovizual əsərlərin retranslyasiyasının hüquqi əsaslarını yaratmaq məqsədilə onlarla lisenziya müqaviləsi bağlanmasını təklif etsə də, televiziya bunların heç birinə cavab verməyib.
Nəticədə gildiya televiziyanı aşağıdakı iddia və tələblərlə məhkəməyə verib:
1. Professional Kinorejissorlar Gildiyası ilə müqavilə bağlananadək Connect MMC tərəfindən TV kanalların retranslyasiyanın həyata keçirilməsinin qadağan edilməsi barədə;
2. Kollektiv idarəçiliyi Professional Kinorejissorlar Gildiyası tərəfindən həyata keçirilən audiovizual əsərlərin qanunsuz retranslyasiyasını həyata keçirdiyinə görə 30.000 (otuz min) manat kompensasiyanın Connect MMC-dən tutularaq Professional Kinorejissorlar Gildiyasına ödənilməsi barədə;
3. İşgüzar nüfuza vurulmuş zərərə görə, Connect MMC-dən Professional Kinorejissorlar Gildiyasının xeyrinə 20.000 (iyirmi min) manat ödənməsi barədə qətnamə qəbul edilsin.
2018-ci ilin 19 fevral və 10 avqust tarixlərində keçirilən məhkəmələrdən sonra bu iddialar təmin edilmədiyindən APKG Apellyasiya məhkəməsinə müraciət edib. Bu ilin sentyabrının 18-də keçirilən son iclasda APKG-nin nümayəndəsi, vəkil Əkbər Bağırov, Connect MMC-nin vəkili Mahir Məmmədov və Əqli Mülkiyyət Agentliyinin nümayəndəsi İqbal Əskərov, eləcə də tanınmış kino xadimləri iştirak ediblər.
Tərəflərin qarşılıqlı razılığa gəlməsi, işin daha dərindən araşdırılması məqsədi ilə məhkəmə prosesi oktyabrın 2-nə kimi təxirə salınıb.


Paylaş:


Müəllif : Tarix:
23-09-2019, 11:04
  


loading...
Загрузка...