reklam
» » "Direktor niyə təcili tibbi yardıma yox, icra başçısının müavininə zəng vurub?" - ELİNA MÜƏMMASI

reklam

"Direktor niyə təcili tibbi yardıma yox, icra başçısının müavininə zəng vurub?" - ELİNA MÜƏMMASI


Bakı şəhər, Səbail rayonunda yerləşən 162 saylı məktəbin VIII sinif şagirdi Elina Hacıyevanın intihar xəbəri günün əsas müzakirə mövzusu olaraq qalmaqdadır. Baş vermis faciəyə artıq ölkə rəhbərliyi səviyyəsində reaksiya verilib. Eləcə də ölkənin aparıcı şəxsləri və ziyalıları məsələ ilə bağlı mövqelərini bildirir.

Sfera.az-a açıqlamasında tanınmış teleaparıcı Zamirə Dadaşova məktəbli qızın intihar etməsindən şoka düşdüyünü dilə gətirib: ”Elinanın intihar etməsi mənə çox pis təsir edib. Hadisədən ilk xəbər tutanda ananı günahlandırırdım. Bu gün isə deyirəm, Elinanın ölümündə günahkar direktor, sinif rəhbəri və həkimlərdir. Niyə hadisədən sonra təcili yardıma yox, başqa insanlara zəng vurulub. Niyə ora həkimlər yox, icra başçısının müavini dəvət edilib? NiyəElinanın telefonunun direktor götürüb, nömrələri silib, nömrəni isə sındırıb. İnanıram ki, hüquq mühafizə orqanları bu məsələləri araşdırilacaq və əsl günahkarlar aşkar ediləcək. Buna inanıram”.

Politoloq Nəzakət Məmmədova isə düşünür ki, bu kimi arzuolunmaz halların qarşısını almaq üçün dövlətin uşaqlara qayğısı artmalıdır: "Necə ki, 10 milyonuncu uşağa diqqət göstərildi, bütün uşaqlara da eyni diqqətdən pay düşməlidir. İlk növbədə cəmiyyətdəki mənəvi deqradasiya və ailələrin maddi çətinlikləri aradan qaldırılmalıdır. Digər tərəfdən, qeyri-hökumət təşkilatlarının da üzərinə xeyli iş düşür. Onlar məktəblərdə şagirdlər arasında maarifçilik işləri apara, dövlət qurumları ilə sıx əməkdaşlıq edə bilər, habelə sosial şəbəkələrdə, kütləvi informasiya vasitələrində valideynlərlə uşaqlarla davranış psixologiyasına dair maarifləndirmə işi apılmalıdır.Təhsil Nazirliyində problemli ailələlərdən olan uşaqlarala iş üzrə xüsusi şöbə yaradılmalı, maddi sıxıntısı, psixoloji çətinliyi olan uşaqlara yardım edilməlidir. Ailə və məktəb əlaqəli şəkildə işləməli, uşaqlara diqqət artırılmalıdır”.

Qeyd edək ki, Bakı şəhər, Səbail rayonunda yerləşən 162 saylı məktəbin VIII sinif şagirdi Elina Hacıyevanın intihar etməsindən sonra prokurorluq intihar hadisəsi ilə bağlı araşdırmaya başlayıb. Bir neçə gün öncə isə hadisədə adı hallanan Səbail rayon İcra Hakimiyyətinin başçısının müavini Xalidə Bağırova da dindirilmişdi. Təhsil Nazirliyi isə hadisədə daha çox adı hallanan 162 saylı məktəbin 3 əməkdaşını işdən azad edib.


Paylaş:


Müəllif : Tarix:
15-04-2019, 14:38
  


loading...
Загрузка...